1 - PREMIOS “PRÍNCIPE D’ASTURIES”

Los Premios dalos la Fundación Príncipe d’Asturies, que se formó’l 24 de setiembre de 1980 n’Uviéu, y que tien como oxetivos primordiales la consolidación de los vínculos ente’l Principáu y el Príncipe d’Asturies, asina como ayudar a la exaltación y promoción d’aquellos valores científicos, culturales y humanísticos que son patrimoniu universal.

Los Premios entréguense añalmente nun actu solemne que se cellebra nel Teatru Campoamor d’Uviéu, ciudá que, nes feches d’entrega, vuélvese capital cultural d’España y una referencia cultural en mundu. Estos Premios tán destinados a reconocer el llabor científicu, técnicu, cultural, social y humanu fechu por persones, equipos de trabayu y instituciones nel ámbitu internacional.

www.fpa.es