CIUDÁ DE SERVICIOS
Uviéu dispón d’una moderna y variada ufierta hotelera, comprometía con una prestación de servicios d’alta calidá y con una capacidá amosada p’atender cualquier tipu de demanda.
Nos últimos años la planta hotelera uvieína ameyoró notablemente la so ufierta tanto pol nivel de les sos instalaciones como pol númberu de places qu’ofrez.
La variedá de los sos agospiamientos inclúi instalaciones de toles categoríes oficiales, dende hoteles de luxu a hoteles de diseñu, ensin escaecer pequeños hoteles familiares y con encantu, casones asturianes y, ya nel ámbitu rural, cases d’aldea.
Uviéu, como capital alministrativa del Principáu d’Asturies, sé de la Universidá y centru neurálxicu de la rexón, siempre esfrutó d’ un comerciu d’alta calidá que perpetuó col tiempu, adaptándose, en tou momentu, a les nueves desixencies del mercáu.
Como complementu a la so ufierta de servicios, Uviéu pon a disposición de los sos visitantes diverses instalaciones municipales que destaquen pola so modernidá y prestaciones como’l Centru Ecuestre “El Asturcón”, el Campu de Golf de “Les Caldes” y el Palaciu de los Neños, ente otres. |
