PRERROMÁNICU

Poques son les ciudaes que pueden ufiertar dalgún elementu singular propiu del llugar y únicu na so especie en tol mundu. Uviéu axunta’l más ampliu y representativu conxuntu de la nomada arquitectura prerrománica, diferente na so época a tolos estilos conocíos, tanto poles soluciones aportaes al arte de la construcción como poles sos esquisites formes, los sos preciosos ornamentos y belleza.

El palaciu rexu güei conocíu como Santa María del Naranco, la iglesia de San Miguel de Lillo, la Cámara Santa de la Catedral, el templu de Santullano, la ilesia rural de Santa María de Bendones y la fonte de la Foncalada resumen n’Uviéu  l’esllendor de la corte del reinu astur nos mandatos de Ramiro I y los dos grandes Alfonso, II el Castu y III el Magnu.

La arquitectura prerrománica uvieína declaróse patrimoniu de la humanidá pola UNESCO en reconocimientu al valor artísticu que simboliza, representando un capítulu propiu y únicu en tolos trataos esistentes d’arquitectura.

La balconada oriental del palaciu rexu de Ramiro I nel Naranco fue tomada como iconu col que personificar la ventana qu’abre al foráneu’l paraísu qu’encarna anguaño’l Principáu d’Asturies.