GASTRONOMÍA Y FIESTES

Uviéu, como cualquier capital que se precie, ye una ciudá cosmopolita que supo combinar sabiamente diferentes estilos y formes de facer gastronomía, ensin escaecer el so raigón asturianu.

Cocina de Guisanderes, clásica, renovadora, sidreríes, cases de comides, vinoteques, delicatessens, tapéu, etc. formen, ente otres munches, la so amplia y variada ufierta gastronómica.

Uviéu, enclavada nel centru del Principáu d’Asturies, recueye los meyores productos de la tierra, de la costa y de la montaña asturiana, que, en manes espertes o innovadores, lleguen ser verdaderes obres d’arte culinaries. Los meyores pescaos, legumes, carnes, quesos, y un llargo etc., danse cita nes meses y nes barres de los establecimientos uvieínos pa deleite de los comensales, dende los restaurantes d’alta cocina hasta les pequeñes y modestes tasques.

Fiestes gastronómiques tradicionales, esclusives d’Uviéu, como l’ Ascensión y el Desarme combínense añalmente con diferentes Xornaes onde la gastronomía ye la principal protagonista.

Cocina moderna, creativa, asturiana y de fusión combínase con platos tradicionales uvieínos como’l pote d’Antroxu, los garbanzos con bacalao y espinaques, la carne gobernada, la menestra de verdures y esi dulce tan d’Uviéu, como ye’l Carbayón, col que les confiteríes de la ciudá dan cuenta de la so bona y ganada fama. Too ello ensin escaecer la sidra, bebida rexonal por escelencia, qu’alcuentra n’Uviéu’l meyor escenariu pa la so degustación y esfrute en sitios tan acoyedores y animaos como’l “Bulevar de la sidra”.