CIUDÁ DE CONGRESOS

La propia idiosincrasia d’Uviéu, resumía nel so talante cultural, el so rexu pasáu, la so arquitectura singular y la so proyección internacional como sé de los premios Príncipe d’Asturies, propicien l’atracción de los foriatos, ya dende un puntu de vista estrictamente turísticu, ya como posible llugar d’alcuentros de trabayu, análisis y debate.

Uviéu, como Ciudá de Congresos, ofrez unes modernes infraestructures que permiten acoyer de forma adecuada tou tipu de reuniones.

L’Auditoriu “Príncipe Felipe” y el futuru Palaciu de Congresos y Esposiciones “Princesa Letizia”, obra del prestixosu arquitectu Santiago Calatrava, refuercen la capitalidá d’Uviéu como sé de Congresos.

A estes istalaciones que faciliten el desarrollu de reuniones profesionales añédese una ufierta hotelera y hostelera comprometía cola calidá; una escelente gastronomía que combina, sabiamente, tradición y modernidá; un comerciu sumamente atractivu; una variada ufierta complementaria d’actividaes; y unes xentes, amables y acoyedores, que convierten a Uviéu nuna espléndida alternativa pa disfrutar d’un escenariu urbanu con toles dotaciones d’una gran capital.