CAPITAL CULTURAL
Uviéu destaca por un marcáu calter cultural forxao al traviés de los sieglos. Dende l’arquitectura prerrománica de la corte primixenia a la creación de la Universidá; del Padre Feijoo a Gustavo Bueno; de Clarín a Alarcos, el devenir milenariu d’Uviéu tuvo en bona midida marcáu pola so actividá cultural.
Amás de l’arquitectura, lliteratura o pintura, Uviéu distínguese
pola so especial afición melómana: Temporada d’Opera, Festival
Líricu, Xornaes de Pianu, Ciclos de Música Sinfónica coles
formaciones y directores más renomaos del momentu..... que nun basten
pa desplicar l’amor d’Uviéu pola música, ya qu’amás
esisten bandes –d’adultos ya infantiles- de gaites y de música,
corales, una Sociedá Filarmónica, la Orquesta Sinfónica
Ciudad de Oviedo (Osco) y la Orquesta Sinfónica del Principado de Asturias
(Ospa) que pasien el nome de la ciudá y de la rexón por numberosos
festivales de música.
El gran acontecimientu cultural del añu son los premios Príncipe d’Asturies, que los sos galardonaos reciben un merecíu homenaxe nel Teatru Campoamor, cola asistencia de personalidaes relevantes que convierten a la ciudá, cada seronda, na capital cultural del mundu.
|
