Clima

El clima ye templáu, con iviernos tebios y branos frescos. La temperatura media añal pasa los 13º C y nun son normales los fenómenos meteorolóxicos estremos

Hestoria

La hestoria milenaria de la ciudá d’Uviéu ta lligada al so papel de capital d’Asturies: primero del reinu, y depués del Principáu, más tarde de la provincia y, finalmente, de l’Autonomía. 

Poco podíen sospechar los monxos Máximo y Fromestano, fundadores de la ciudá nel añu 761, que la so escoyeta d’un Monte nel centru d’Asturies diba pasar los mil doscientos años de vida urbana, comercial, eclesiástica y militar. Aquel primer afitamientu diba complementase lluego con una pequeña ilesia n’advocación de San Vicente.